ସପନ ରାଇଜ
____________________________________________
ଆସ ପ୍ରିୟା ଥରେ ଭ୍ରମଣ କରିବା ସପନ ରାଇଜ ଆକାଶେ,
ସପ୍ତରଙ୍ଗ ଯହିଁ ସେନେହର ଡୋରୀ ଇନ୍ଦ୍ରଧନୁ ପ୍ରାୟେ ଝଲସେ।
ପ୍ରେମ କରି ଆମେ ଘୁରିବୁଲୁଥିବା ସପନର ରାଜପ୍ରାସାଦେ,
ଆଖିରୁ ଲୋତକ ନଝରିବ ଆଉ ବିରହ କି’ଅବା ବିଶାଦେ।
ସ୍ବପ୍ନସୁନ୍ଦରୀ ସପନ ମୁଲକେ ନୂଆ ପ୍ରେମଗାଥା ଲେଖିବା,
ସପନରେ ହସ ସପନରେ ଲୁହ ସ୍ବପ୍ନ ଦୁନିଆରେ ବଞ୍ଚିବା।
ନଥିବେ ବଇରି ନଥିବ ଯାତନା ଶୁଷ୍କତା ନଥିବ ପରାଣେ
ଅଶାନ୍ତ ସମାଜେ ସପନ ବାଣ୍ଟିବା ପ୍ରେମ ଭରି ଦେବା ଜୀବନେ।
_____________________________________________
© ଉମା ଶଙ୍କର ସାହୁ
1 comment:
Hello my lovely friend. Namastey
Post a Comment